The Year of Tiger

មហា​សង្ក្រាន្តឆ្នាំ​ខាល ទោស័ក

ចុល្លសករាជ ១៣៧២ – មហា​សករាជ ១៩៣២
ពុទ្ធសករាជ ២៥៥៤ – គ្រឹស្តសករាជ ២០១០
សុភមស្ដុ ! វរមង្គលា​ជយាតិរេក
.
ព្រះ​ពុទ្ធសករាជ​ព្រះ​សាសនា អតិក្កន្តា​កន្លង​ទៅ​បាន ២៥៥៣ ត្រឹម​ថ្ងៃ ១៥ កើត ខែ​ពិសាខ លុះ​ដល់​ថ្ងៃ ១ រោច ខែ​ពិសាខ ឆ្នាំ ខាល ទោស័ក​តទៅ​ចូល​ពុទ្ធសករាជ ២៥៥៤ ។
.
នឹង​គណនា​ឆ្នាំ ខាល ឥឡូវ​នេះ​សង្ក្រាន្ត​ចូល​មក​នៅ​ថ្ងៃ​ពុធ ១ កើត ខែ​ពិសាខ ត្រូវ​នឹង​ថ្ងៃ​ទី ១៤ ខែ​មេសា ២០១០ វេលា​ម៉ោង ៧ និង ៣៦ នាទី ព្រឹក ។ ពេល​នោះ​ព្រះ​អាទិត្យ​ចេញ​ពី​មីនរាសី​ទៅ​ឋិត​នៅ​ឯ​មេសរាសី​តាម​ផ្លូវ​គោវិថី ​គឺ​ផ្លូវ​កណ្ដាល ទើប​មាន​ទេពធីតា​មួយ​ព្រះ​អង្គ​ជា​មគ្គនាយិកា​ព្រះ​នាម មណ្ឌាទេវី ជា​បុត្រ​ទី​បួន​នៃ​កបិល​មហាព្រហ្ម គង់​នៅ​ចាតុម្មហារាជិកា ទ្រង់​អម្ពរ​ពណ៌ អន លម្អ​នៅ​ព្រះ​កាណ៌​ដោយ​សៀត ផ្កា​ចម្ប៉ា អភរណៈ​ទ្រង់​ពាក់ កែវពិទូរ្យ ភក្សាហារ​ទ្រង់​សោយ ទឹកដោះ​ស្រស់ ព្រះ​ហស្ត​ស្ដាំ​ទ្រង់ ម្ជុល ព្រះ​ហស្ត​ឆ្វេង​ទ្រង់ ឈើច្រត់ ទ្រង់​គង់​ឈរ​លើ​ខ្នង គទ្រភៈ (សត្វ​លា) ដែល​ជា​ពាហនៈ ។ ទើប​នាំ​អស់​ទេវបុត្រ ទេវធីតា​ទាំង​មួយសែន​កោដិ​ហោះ​ទៅ​កាន់ គុហា​កែវ ធម្មមាលី នា​ទី​ភ្នំ​កៃលាស​ខេត្ត​ហិមពាន្ត ជា​ទី​តម្កល់​ទុក​នូវ​ព្រះ​សិរសា កបិល​មហាព្រហ្ម ដែល​តម្កល់​លើ​ពាន​មាស នាំ​មក​ដង្ហែ​ប្រទក្សិណ ភ្នំ​ព្រះ​សុមេរុរាជ​តាម​ផ្លូវ​ព្រះ​អាទិត្យ​ចរ ចំនួន ៦០ នាទី (២៤​ម៉ោង) ។ ទើប​នាំ​យក​ទៅ​តម្កល់​ទុក​កន្លែង​ដើម​វិញ ហើយ​ប្រជុំ ទេវបុត្រ ទេវធីតា​ទាំង​មួយ​សែន​កោដិ​ចូល​ទៅ​ស្រង់​ទឹក អនោតត្តម​មហា​ស្រះ ដែល​មាន​ទឹក​ហូរ​ចេញ​ពី​បំពង់​ថ្ម​កែវ​ដែល​ជា​មាត់​គោ ឧសភរាជ ទាំង ៧ ត្រជាក់​ក្សេមក្សាន្ត​ព្រះ​រាជ​ហឫទ័យ ហើយ​នាំ​គ្នា​ចូល​ទៅ​សមាទាន​រក្សា​សីល​ដោយ​សោមនស្ស​រីករាយ​គ្រប់​ព្រះ​អង្គ ក្នុង​ភគវតី​សភា​សាលា ដែល​វិស្សកម្ម​ទេវបុត្រ​និមិត្ត​ថ្វាយ ដើម្បី​បន្ទោរ​បង់​អពមង្គល​អោយ​ជ្រះ​ស្រឡះ ហើយ​ចម្រើន​នូវ​សិរី​សួស្ដី​ជ័យ​មង្គល ជន្មាយុ​យឺនយូរដល់​ទេវតា និង​មនុស្ស​សត្វ​ផង​ទាំងឡាយ​តាំង​ពី​ឆ្នាំ​ថ្មី​ចូល​មក​នេះ​បាន​ធូរ​ទូលំ​ ទូលាយ សុខ​ក្សេមក្សាន្ត ត​រៀង​ទៅ ។
ថ្ងៃ​ពុធ ១ កើត ខែ​ពិសាខ ត្រូវ​នឹង​ថ្ងៃ​ទី ១៤ ខែ​មេសា គ្រឹស្ត​សករាជ ២០១០ វេលា ម៉ោង ៧ និង ៣៦ នាទី​ព្រឹក ជា​ថ្ងៃ​ចូល​ឆ្នាំ ខាល ទោស័ក ។
.
ថ្ងៃ​ព្រហស្បតិ៍ ២ កើត ខែ​ពិសាខ​ត្រូវ​នឹង​ថ្ងៃ​ទី ១៥ ខែ​មេសា គ្រឹស្ត​សករាជ ២០១០ ជា​វារៈ វ័នបត ។
ថ្ងៃ សុក្រ ៣ កើត ខែ​ពិសាខ ត្រូវ​នឹង​ថ្ងៃ​ទី ១៦ ខែ​មេសា គ្រឹស្ត​សករាជ ២០១០ នៅ​វេលា​ម៉ោង ១១ និង ១៨ នាទី ៣៦ វិនាទី ជា​វារៈ​ឡើង​ស័ក គម្រប់​ជា​សង្ក្រាន្ត​បី​ថ្ងៃ ស្រេច​បរិបូណ៌​ចូល​ជា​សកល ឆ្នាំ ខាល ទោស័ក ចុល្លសករាជ ១៣៧២ និង​មហា​សករាជ ១៩៣២ តទៅ ។
.
ក្នុង​ឱកាស​សង្ក្រាន្ត​បី​ថ្ងៃ សូម​អស់​ប្រជា​ពលរដ្ឋ​ប្រុស​ស្រី​ផង​ទាំងឡាយ​រៀបចំ​ពលិកា​គ្រឿង​សក្ការ​បូជា អុច​ប្រទីប​ជ្វាលា ថ្វាយ​ព្រះ​រតនត្រ័យ និង​ទទួល​ស្វាគមន៍​ទេវបុត្រ ទេវធីតា​ឆ្នាំ​ថ្មី ហើយ​ខំ​លះបង់​ចិត្ត​អាក្រក់​អន្យតិរ្ថីយ​ជា​ចិត្ត​អប្រីយ៍ ជាប់​ដោយ​គំនុំ​គុំគួន​ព្យាបាទ​ឈ្នានីស​ដែល​កើត​មាន​ក្នុង​ឆ្នាំ​ចាស់​អោយ​ ជ្រះ​ស្រឡះ​តាំង​ចិត្ត​ប្រព្រឹត្ត​ល្អ ប្រកប​ដោយ មេត្តា ករុណា មុទិតា ឧបេក្ខា និង បញ្ញា ធ្វើ​បុណ្យ​សុន្ទរ៍ទាន​តាម​ប្រពៃណី រក្សា​សីល​ប្រាំ​អោយ​បាន​ជាប់​ជានិច្ច នោះ​ទើប​ទេវតា​នឹង​អោយ​ពរ សព្ទសាធុការ លោក​អ្នក​នឹង​មាន​សិរី​សួស្ដី សុភមង្គល វិបុលសុខ​គ្រប់​ប្រការ តាំង​ពី​ឆ្នាំ​ថ្មី​នេះ​ត​រៀង​ទៅ ។
.
រណ្ដាប់​ទទួល​ទេវតា
រណ្ដាប់​ទទួល​នូវ​ទេវតា​តាម​ទំនៀម​ពី​បុរាណ​រៀង​រហូត​មក ត្រូវ​រៀប​រាន​ទទួល​ទេវតា​នៅ​ខាង​មុខ​ផ្ទះ​មួយ សម្រាប់​តាំង​គ្រឿង​ពលីការ​ផ្សេង​ៗ ។ ត្រូវ​រៀប​ក្រាល​សំពត់​ពណ៌​​ស ឬ​ស្រគាំ ហើយ​រៀប​បាយសី ៩ ថ្នាក់​មួយ​គូ បាយសី ៧ ថ្នាក់​មួយ​គូ បាយសី ៥ ថ្នាក់​មួយ​គូ បាយសី ៣ ថ្នាក់​មួយ​គូ បាយសី​ប៉ាឆាម​មួយ​គូ ស្លាធម៌​មួយ​គូ ទឹកអប់​មួយ​គូ (ទៀន ៥ ធូប ៥) លាជ ៥ ផ្កា ៥ ដាក់​លើ​ជើងពាន ១ គូ ចេកនួន ចេក​ណាំវ៉ា ពីរ​ជើងពាន ផ្លែ​ឈើ ១១ មុខ រៀប​ដាក់​ជើងពាន ១១ គូ ដូងឡៅ​មួយ​គូ ទឹក​ស្អាត​ពីរ​កែវ ។ ឆ្នាំ​នេះ​គួរ​រក​ទឹកដោះ​ស្រស់ ដាក់​ទទួល​ទេវតា​ផង ព្រោះ​ជា​ភក្សាហារ របស់​ទេវធីតា ។
.
កំណត់​សម្គាល់
ចំពោះ​បាយសី ៩ ថ្នាក់ ៧ ថ្នាក់ សម្រាប់​នៅ​ព្រះ​បរម​រាជវាំង ចំពោះ​ប្រជារាស្ត្រ​គួរ​ធ្វើ​ត្រឹម ៥ ថ្នាក់​ចុះ​មក ឬ​រៀប​ត្រឹម​គ្រឿង​សក្ការៈ​បូជា​ដែល​មាន​ទៀន​ប្រាំ ធូប​ប្រាំ ស្លាធម៌ កូន​ចេក​មួយ​គូ​ក៏​ល្អ​ដែរ ។ ចំពោះ​ផ្លែ​ឈើ​សម្រាប់​ប្រជារាស្ត្រ គួរ​រៀប​អោយ​បាន​ត្រឹម ៣ ឬ ៥ មុខ​ជា​ការ​ប្រសើរ គឺ​រៀប​ទៅ​តាម​ធនធាន​របស់​ខ្លួន ។ នៅ​គ្រប់​ដង្វាយ​ទាំងអស់​ត្រូវ​ដាក់​ផ្កា​ម្លិះ​ភួង​ពី​លើ​គ្រប់​ដង្វាយ នៅ​លើ​ជើងពាន និង​លើ​បាយសី​ត្រូវ​ដោត​ទៀន​ហើយ​ដុត​បំភ្លឺ ។
.
ដកស្រង់ចេញពីការ​ផ្សាយ​របស់​ក្រសួង​ ធម្មការ និង​សាសនា
គណៈកម្មាការ​ស្រាវជ្រាវ​ វិជ្ជា​ហោរាសាស្ត្រ​ប្រពៃណីទំនៀមទម្លាប់​ខ្មែរ និង​វិទ្យាស្ថាន​ពុទ្ធសាសនបណ្ឌិត្យ

* Share/Bookmark
Labels: | edit post
4 Responses


  1. 雲亨 Says:

    好熱鬧喔 大家踴躍的留言 讓部落格更有活力.........................


  2. RedJuly Says:

    Apple’s Smartwatch is used as Accessory


    There are many people are waiting for new smartwatch from apple and it is not use only as smartwatch, but also as an accessory, according to digital marketing agency reported.
    "As soon as the Apple Watch is available I will be adding it into my life, but in addition to mechanical watches," said Adams. "I will more than likely have to wear one on each wrist."

    In addition, Apple Company has hired many famous watch designers such as Marc Newson, Burberry's Angela Ahrendts and Yves Saint Laurent's Paul Deneve to help Apple's watch appeal to people who see the item as a fashion statement.

    "Watches, unlike other consumer electronics, have existed for hundreds of years as accessories and fashion pieces," said Tim Barrett, a research analyst at Euromonitor.



Post a Comment

  • JayavarmanVII

    JayavarmanVII

    KHMER KING

    KHMER KING

    CODE GEOCOUNTER


    counter

    See Here

    GEOCOUNTER